Bu il XX əsrdə Azərbaycan aşıq sənətinin inkişafında müstəsna xidmətləri olmuş iki böyük sənətkarın - Gürcüstanın Əməkdar mədəniyyət işçisi Hüseyn Saraçlı (1916-1987) və Azərbaycanın Əməkdar mədəniyyət işçisi Hüseyn Cavanın (1916-1985) anadan olmasının 100 ili tamam olur.
Hər iki sənətkarın yubileyinin yüksək səviyyədə keçirilməsi üçün Azərbaycan Aşıqlar Birliyi tədbirlər planı hazırlayıb. Qurumun katibi, Əməkdar mədəniyyət işçisi Musa Nəbioğlu bildirib ki, Mədəniyyət və Turizm Nazirliyi ilə birgə noyabrın ortalarında Hüseyn Saraçlının, sonunda isə Hüseyn Cavanın 100 illiyi münasibətilə tədbir keçiriləcək.