Azərbaycan Dövlət Akademik Opera və Balet Teatrında Üzeyir Hacıbəylinin “Leyli və Məcnun” operası yeni ifaçıların iştirakı ilə təqdim olundu. Baş rollarda ilk dəfə Muğam müsabiqəsinin qalibləri Vüsalə Musayeva və İlkin Əhmədov çıxış etdi. 22 yaşlı Vüsalənin və 23 yaşlı İlkinin ariya və duetləri tamaşaçıların alqışları ilə müşayiət olundu.
   Xalq artisti Mənsum İbrahimov gənc ifaçıları təbrik edərək Məcnun rolunun onun da sənətə gəlişində həlledici rol oynadığını dilə gətirdi: «Vüsalə və İlkinin çıxışları gözlədiyimizdən də yaxşı oldu. Onların böyük gələcəyi var».