İyulun 13-dən avqustun 26-dək İspaniyada “Starlite Marbella 2017” festivalı keçiriləcək. Festivalın saytında yer alan məlumata görə, dünya operasının ulduzu, Rusiyanın Xalq artisti Anna Netrebko (soprano) və Azərbaycanın Əməkdar artisti Yusif Eyvazov (tenor) iyulun 19-da festivalda çıxış edəcək. Sənət və həyat cütlüyü konsertdə italyan operalarından ariyalar oxuyacaqlar. Habelə Anna Netrebkonun “Verisimo” albomundan əsərlər səsləndiriləcək. Dünya operasının ulduzu Ana Lukresiya Qarsiya konsertin xüsusi qonağı olacaq.