Türkiyənin Azərbaycandakı Səfirliyinin mədəniyyət və tanıtım müşaviri vəzifəsinə yeni təyin olunan Muhittin Macit iyunun 5-də Milli Kitabxanada olub.

Milli Kitabxananın direktoru professor Kərim Tahirov qonağı salamlayaraq ona fəaliyyətində uğurlar diləyib.

Söhbət zamanı Azərbaycan və Türkiyə Milli kitabxanaları arasında əlaqələrin genişləndirilməsi, birgə tədbirlərin, kitab mübadiləsinin həyata keçirilməsi, Azərbaycan Milli Kitabxanasındakı Türkiyə guşəsinin yeni nəşrlərlə zənginləşdirilməsi ilə kimi məsələlər müzakirə edilib.

Görüşün sonunda müşavirə Milli Kitabxana, eləcə də Azərbaycan və Qarabağ haqqında kitablar, “Sözləri Nizaminindir” diski hədiyyə olunub.

Muhittin Macit isə Mahmud Kaşğarlının "Divanü Lüğat-it-Türk" əsərinin Türkiyə kitabxanasında saxlanılan yeganə nüsxəsinin nəfis formatda çap nüsxəsini Milli Kitabxanaya hədiyyə edib.