Bütün sorğular
Sentyabrın 1-i Azərbaycanın yeni tarixində əlamətdar günlərdən biri kimi qalacaq. Həmin gün Bakıda dünyanın ən hündür bayrağının dalğalandığı möhtəşəm memarlıq abidəsinin - Dövlət Bayrağı Meydanının təntənəli açılışı olub. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və xanımı Mehriban Əliyeva mərasimdə iştirak ediblər.
İslam Konfransı Təşkilatının mədəniyyət nazirlərinin ötən il Bakıda keçirilən 6-cı iclasında İraqın Nəcəf şəhəri 2012-ci ildə islam mədəniyyətinin paytaxtı elan edilmişdi. İraqın Mədəniyyət Nazirliyi həmin qərara müvafiq olaraq qarşıdan gələn tədbirləri, onların büdcəsini planlaşdırmağa başlayıb. İlk növbədə Nəcəfdə bir sıra tarix və mədəniyyət abidələrinin bərpası nəzərdə tutulmuşdur.
Almaniyanın «Sinema» jurnalı kino tarixində bütün dövrlərin ən qalmaqallı, mübahisəli və cəmiyyətdə tabuları qıran 70 filmin adını açıqlayıb. Bu siyahıya düşən filmlərdən daha çox maraq doğuranları təqdim edirik. Siyahının ilk pilləsində dahi ispan rejissoru Luis Bunyuelin ekranlaşdırdığı və kino tarixində ilk qalmaqal şokunu yaradan «Əndəlus köpəyi» filmi (1929) dayanır. Ülgüclə gənc qızın gözünün kəsilməsi indiyədək dünya kinosunun ən amansız səhnələrindən biri sayılır.
Sentyabrın 15-də açılacaq teatr mövsümündə Azərbaycan Dövlət Gənc Tamaşaçılar Teatrında da yeni səhnə əsərləri hazırlanacaq. Teatr dekabr ayınadək sənətsevərlərə üç yeni tamaşa təqdim edəcək. Bunlar Uilyam Şekspirin “Romeo və Cülyetta”, Tamara Vəliyevanın “Mənim ağ göyərçinim”, Əli Əmirlinin “Sən məni sevirsən” tamaşaları olacaq. Tamaşalar hazır olandan sonra teatrın baş rejissoru, Xalq artisti Cənnət Səlimova yazıçı-dramaturq Elçinin “Buzovna kəndinin əhvalatları” əsərinə müraciət edəcək.
Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin bölgələrdə təşkil etdiyi səyyar yay kursları artıq başa çatıb. 4 region üzrə 21 rayonu əhatə edən səyyar yay kurslarında 429 nəfər dinləyici iştirak edib və sonda onlara vəsiqələr təqdim olunub. Respublika Mədəniyyət Müəssisələri İşçilərinin Hazırlıq və İxtisasartırma Mərkəzinin direktoru Ramazan Şabanov bu il ilk dəfə təşkil olunan səyyar yay kurslarının məqsədi, əhəmiyyəti və əldə olunan nəticələrdən danışdı.
