İdmanın güləş növü üzrə üç dəfə Avropa və üç dəfə dünya kubokunun sahibi salyanlı pəhləvan-güləşçi Vüsal Cavadlı daha bir ilkə imza atıb. O, Qafqaz Dünya Rekordlar Federasiyanın prezidenti Etibar Budaqlının iştirakı ilə Salyan Olimpiya İdman Kompleksində xüsusi nömrə göstərib. Ayaqları bağlı vəziyyətdə başıaşağı sallanan Vüsal Cavadlı əllərində hər birinin çəkisi 24 kiloqram, dişində isə 32 kiloqram olan çəki daşlarını 16 saniyə saxlayıb.
El pəhləvanı gələcəkdə adını “Ginnesin rekordlar kitabı”na da yazdırmaq niyyətindədir.