Prezident İlham Əliyevin fevralın 18-də imzaladığı sərəncama əsasən, Vaqif Qadir oğlu Əliyev Sumqayıt Şəhər İcra Hakimiyyətinin başçısı vəzifəsindən azad edilərək mədəniyyət və turizm nazirinin birinci müavini təyin olunub. Vaqif Əliyev 1994-2001-ci illərdə gənclər və idman, 2001-2003-cü illərdə isə gənclər, idman və turizm nazirinin birinci müavini vəzifələrində çalışıb.
   Prezidentin digər sərəncamları ilə Eldar Əzizov Gəncə Şəhər İcra Hakimiyyətinin başçısı vəzifəsindən azad olunaraq Sumqayıt Şəhər İcra Hakimiyyətinin başçısı təyin edilib, Elmar Vəliyev Yevlax Rayon İcra Hakimiyyətinin başçısı vəzifəsindən azad olunaraq Gəncə Şəhər İcra Hakimiyyətinin başçısı təyin olunub.