Lerik rayonunda dağlar qoynunda yerləşən Daster kənd kitabxanasında mütəmadi olaraq maraqlı tədbirlər keçirilir. Bilik gününə həsr edilmiş “Məktəb zamanı gəldi” adlı tədbir də yaddaqalan oldu.
Kitabxanaçı Əminağa Əliyev dövlət tərəfindən təhsilə göstərilən qayğıdan danışdı. Bildirdi ki, ölkə rəhbərliyi bu sahənin inkişafına daim diqqət yetirir.
Valideyn Qabil Dadaşov, kənd xəstəxanasının həkimi Nizami Suvarov, Azərbaycan Dövlət Neft və Sənaye Universiteti nəzdində Bakı Neft Energetika Kollecinin builki məzunu Elmir Əliyev, Lənkəran Dövlət Universitetinin tələbəsi Novruzəli Hüseynov müəllimlərə, şagirdlərə yeni dərs ilində nailiyyətlər arzuladılar.
Sonda kənd məktəbinin şagirdləri ulu öndər Heydər Əliyevə, müstəqil Azərbaycana həsr edilmiş şeirlər söylədilər.

Zəfər Orucoğlu
Lerik rayonu