Masallı Uşaq incəsənət məktəbinin yeni binasında dərs ilinin başlanması münasibətilə tədbir keçirilib.
Rayon Mədəniyyət və Turizm şöbəsinin müdiri Lətifə Mövsümova iştirakçıları təbrik edib. Məktəbin direktoru Azər Əhədov yeni binanın tikilib istifadəyə verilməsinə görə ölkə başçısına dərin təşəkkürünü bildirib.
Rayon İcra Hakimiyyətinin başçısı Rafil Hüseynov və millət vəkili Elmira Axundova öz çıxışlarında məktəbin şagird və müəllim kollektivinə yeni binada yeni dərs ilinə başlamaları münasibətilə xoş arzularını çatdırıblar.
Sonda Nizami Gəncəvi adına rayon Mədəniyyət mərkəzinin əməkdaşları rəngarəng musiqi nömrələri ilə çıxış ediblər.