Bərdədəki 4 nömrəli Uşaq incəsənət məktəbi rayonun qabaqcıl mədəniyyət ocaqlarındandır. 2009-cu ildə ölkə başçısının iştirakı ilə açılışı olan məktəbdə müxtəlif tədbirlərin keçirilməsi, konsert və tamaşaların nümayişi üçün şərait var. Məktəbin kollektivi bugünlərdə U.Şekspirin “Romeo və Cülyetta” əsərini tamaşaya qoymaqla xoş bir sürpriz edib.
Tamaşa maraqla qarşılanıb. Sonda çıxış edən məktəbin direktoru Aysel Bayxanova bu əsərin səhnələşdirilməsində əməyi keçən hər bir kəsə minnətdarlığını bildirib.