Azərbaycan Dövlət Musiqili Teatrının gənc aktyoru Elvin Əliyev 18-19 oktyabr tarixində keçirilən Azərbaycan-Gürcüstan gənclərinin beynəlxalq festivalında iştirak edir. Teatrın mətbuat xidmətindən bildiriblər ki, festivalın məqsədi iki ölkənin gəncləri arasında əməkdaşlığı inkişaf etdirmək, ünsiyyət və əlaqələrin formalaşdırılmasına şərait yaratmaqdır. Gənc aktyor Elvin Əliyev indiyədək Rusiyada və Qazaxıstanda keçirilən beynəlxalq festivallarda laureat adını qazanıb.