Azərbaycan Rəssamlar İttifaqının Vəcihə Səmədova adına sərgi salonunda Əməkdar rəssam Telman Abdinovun “Yaradıcılıqda 40 il” adlı fərdi sərgisinin açılışı olub.
Açılışda Rəssamlar İttifaqının katibi, Xalq rəssamı Ağəli İbrahimov çıxış edərək Telman Abdinovun yaradıcılığı barədə ətraflı danışıb.
Naxçıvan Muxtar Respublikasının Bakıdakı daimi nümayəndəliyinin rəhbəri Bəxtiyar Əsgərov, Naxçıvan Muxtar Respublikası Rəssamlar Birliyinin sədri Ülviyyə Həmzəyeva, professor Kərim Kərimov, Miniatür Kitab Muzeyinin direktoru Zərifə Salahova və digər çıxış edənlər rəssamın fəaliyyətindən, çəkdiyi dəyərli rəsm əsərlərindən söz açıb, 40 illik yaradıcılığında böyük nailiyyətlər qazanması münasibətilə onu təbrik ediblər.
Aprelin 22-dək davam edən sərgidə rəssamın 80-ə yaxın əsəri nümayiş olunub.