Azərbaycan Respublikası Nazirlər Kabinetinin 26 avqust 2014-cü il tarixli 292 nömrəli Qərarı ilə təsdiq edilmiş “Qeyri-hökumət təşkilatları tərəfindən mədəniyyət sahəsində keçirilən tədbirlərin dövlət maliyyələşdirilməsi Qaydası”nın 3-cü bəndinə uyğun olaraq, qeyri-hökumət təşkilatlarının mədəniyyət sahəsində fəaliyyətinin dəstəklənməsi məqsədilə 2017-ci il üçün Mədəniyyət və Turizm Nazirliyi müsabiqə elan edir.
   
   Müsabiqədə iştirak etmək istəyən qeyri-hökumət təşkilatları 2017-ci ilin may ayının 1-dək ərizələrini müsabiqənin şərtlərinə uyğun aşağıdakı sənədlərlə birlikdə nazirliyə təqdim etməlidir.
   
   1. Azərbaycan Respublikası Mədəniyyət və Turizm Nazirliyinin Müsabiqə Komissiyasının sədrinə məktub;
   2. QHT-nin dövlət qeydiyyatına alınması barədə hüquqi şəxslərin dövlət reyestrindən çıxarışının surəti;
   3. Tədbirin keçirilməsi nəzərdə tutulan mədəniyyət sahəsində mövcud vəziyyətin təhlili;
   4. Tədbirlə bağlı qarşıya qoyulan vəzifələrin əhatə olunması və gözlənilən nəticələr barədə qısa məlumatlar;
   5. Tədbirin keçiriləcəyi yer və tarix;
   6. Tədbirin keçirilməsi ilə bağlı xərclər smetası (müvafiq hesablamalar və əsaslandırıcı sənədlərlə birlikdə);
   7. Tədbirin təşkilatçıları və iştirakçıları ilə bağlı məlumatlar.
   
   Ünvan:
   AZ 1000, Bakı şəhəri, Hökumət evi, Ü.Hacıbəyli küçəsi 40.
   Azərbaycan Respublikası Mədəniyyət və Turizm Nazirliyi
   İnformasiya və ictimaiyyətlə əlaqələr şöbəsi
   Qeyri-hökumət təşkilatları ilə iş sektoru.
   
   Əlaqələndirici şəxslər:
   Rəşad Əliyev
   Arzu Məmmədzadə
   Rəvanə Abdullayeva
   
   E_mail: qht.medeniyyet@gmail.com 
                 qht@mct.gov.az 
   
   Tel: (012) 498-79-21/53
   
   Müsabiqədə iştirak etmək üçün təqdim olunacaq sənədlərin anket formasını aşağıdakı linklərdən əldə edə bilərsiniz:
   
   1. Müşayiət məktubu
   2. Tədbirin yazılış forması
   3. Büdcənin tərtibinə dair təlimat
   4. Tədbir haqqında qısa məlumat
   5. Anket forması
   6. Tədbir mövzuları
   7. Digər şərtlər
   8. Əlavə anket