Ulu öndər Heydər Əliyevin anım günü ilə əlaqədar Leopold və Mstislav Rostropoviçlərin ev-muzeyində “açıq qapı” günü təşkil olunub.

Muzeydə Mstislav Rostropoviç və ulu öndərin nadir fotoşəkilləri, iki şəxsiyyətin böyük dostluğunu əks etdirən məktublar və digər qiymətli əşyalar nümayiş olunur.

Gün ərzində muzeyə gələn Azərbaycan Milli Konservatoriyası nəzdində Musiqi kollecinin, Bülbül adına Orta ixtisas musiqi məktəbi, İncəsənət gimnaziyasının şagird və müəllim heyəti üçün ekskursiyalar təşkil olunub, rejissor T.Aşumovanın “Slavanın 5 günü”, Ziya Şıxlinskinin maestroya həsr etdiyi unikal “Doğma diyar” filmləri nümayiş edilib.