Ölkəmiz Florensiyada sərgidə iştirak edəcək

Ölkəmiz martın 13-dən 15-dək İtaliyanın Florensiya şəhərində keçiriləcək 22-ci “Sülhün mənəvi miraslarla möhkəmləndirilməsi” Beynəlxalq forum və sərgisində iştirak edəcək.

Tədbirin keçiriləcəyi Duomo Auditoriyasının Borselli zalında tematik guşələr yaradılacaq. Burada Azərbaycanın mədəniyyəti, əl işləri, ənənələri, kulinar və folklorumuzu daha yaxşı tanımaq üçün nümunələr sərgilənəcək. Həmçinin kəlağayı baş örtüklərimizə aid xüsusi təqdimatın da olacağı gözlənilir.

Ölkəmizin sərgidə iştirakı İtaliyada Azərbaycan mədəniyyəti günləri çərçivəsində reallaşacaq.