![](/img/news/700x420/_1602065244.jpg)
Ölkəmiz üçün bir tərəfdən mürəkkəb, digər tərəfdən isə fərəh hissi doğuran hadisələrin yaşandığı dövrdə Azərbaycan Respublikasının Prezidenti, Ali Baş Komandan İlham Əliyevə və şanlı Ordumuza dəstək və rəğbətin nümayişi olaraq, Bakı Xoreoqrafiya Akademiyasının (BXA) professor-müəllim və tələbə heyətinin iştirakı ilə “Qarabağ Azərbaycandır!” layihəsinin icrasına başlanılıb.
Layihə çərçivəsində vətənpərvərlik mövzusunda xoreoqrafik kompozisiyalar vasitəsilə videoçarxların hazırlanması, fleşmob və onlayn videoseminarların keçirilməsi nəzərdə tutulub. İlkin olaraq BXA-nın Milli rəqs kafedrasının dosenti, Xalq artisti Yusif Qasımovun quruluşu ilə hazırlanan xoreoqrafik kompozisiyanın məşqlərinə başlanılıb. Milli vətənpərvərlik ruhunda hazırlanan rəqs kompozisiyasının videoçarxı kütləvi informasiya vasitələri və sosial şəbəkələr vasitəsilə geniş ictimaiyyətə təqdim olunacaq.