Azərbaycan Milli Xalça Muzeyi yeni eksponatlarla, qürbətdən Vətənə qaytarılan, əcdadlarımızın əl işi olan nəfis xalçalarla tanışlıq məqsədilə yeni aksiyaya start verib.

Muzeydən bildirilib ki, ziyarətçilər iyul ayı ərzində həftənin IV günləri saat 18:30-da muzeyin yenilikləri ilə tanış ola bilərlər. Muzeyə giriş və bələdçi xidməti ödənişsizdir. Bələdçilər ziyarətçilərə yeni eksponatlar haqqında ətraflı məlumat verəcəklər.

Aksiyaya qoşulmaq üçün ziyarətçilərdən muzeyin sosial şəbəkələrdəki səhifələrini bəyənmək (like), elanı öz səhifəsində paylaşmaq, https://forms.gle/NBWXfY3RFqpSaEtt6 linkinə daxil olub qeydiyyatdan keçmək tələb olunur.

Karantin qaydalarına əsasən, ekskursiya yalnız 10 nəfərlik qruplarla təşkil ediləcək.