8 Mart – Beynəlxalq Qadınlar Günü münasibətilə Azərbaycan Milli Kitabxanasının əməkdaşları tərəfindən virtual sərgi hazırlanıb.

Kitabxanadan bildirilib ki, virtual sərgidə tarixdə və müasir Azərbaycanın ictimai-siyasi həyatında iz qoymuş, əhəmiyyətli rol oynamış məşhur qadınlar, onların həyat və fəaliyyətinə dair ədəbiyyat, analar, qadınlar haqqında yazılmış kitablar, dövri mətbuat səhifələrində dərc olunmuş məqalələr və fotolar nümayiş olunur.

Qeyd olunur ki, tarix boyu bütün gözəllik və qayğılarını zərif çiyinlərində daşıyan qadınlar üçün təqvimə xüsusi bayramın – 8 Mart Beynəlxalq Qadınlar Gününün daxil edilməsi onlara olan ehtiram və sevginin ifadəsidir. Qadınların cəmiyyətdə kişilərlə bərabər hüquqlar əldə etmək uğrunda mübarizəsinin nəticəsi kimi yaranmış bu bayram gün dünyanın əksər ölkələrində, o cümlədən Azərbaycanda qeyd edilir.

Virtual sərgi ilə bu linkdə tanış olmaq olar: http://anl.az/el/vsb/8_Mart_Beynelxalq_Qadinlar_Gunu/index.htm