Dekabrın 24-ü Azərbaycan Respublikasının Prezidenti İlham Əliyevin doğum günüdür. Dövlət başçısının 61 yaşı tamam olur. Bu münasibətlə müxtəlif ölkələrdən Azərbaycan Prezidentinə təbrik məktubları gəlir.

Çin Xalq Respublikasının Sədri Si Cinpin, Qazaxıstan Respublikasının Prezidenti Kasım-Jomart Tokayev, Belarus Respublikasının Prezidenti Aleksandr Lukaşenko, Tacikistan Prezidenti Emoməli Rəhmon, Moldova Respublikasının Prezidenti Maya Sandu, Gürcüstanın Baş naziri İrakli Qaribaşvili, İordaniyanın Kralı II Abdullah ibn Al Hüseyn, Özbəkistan Respublikasının Prezidenti Şavkat Mirziyoyev, Türkmənistanın Prezidenti Sərdar Berdiməhəmmədov, digər dövlət və hökumət başçıları İlham Əliyevi təbrik edir, ona ali dövləti fəaliyyətində daha böyük uğurlar, Azərbaycan xalqına əmin-amanlıq, tərəqqi və firavanlıq arzulayırlar.