Mədəniyyət Nazirliyi tərəfindən “Yaradıcı payız” layihəsi həyata keçirilir. Layihənin məqsədi yaradıcı insanların sənət sirlərinin gənc nəslə aşılanması, bu sahəyə maraq yaratmaq və sənət adamlarının tanıdılmasıdır.

Layihə çərçivəsində yeniyetmə və gənclərin iştirakı ilə oğuzlu sənətkar İlqar Qafarovla onun emalatxanasında “Oyma sənətinin sirləri” adlı görüş keçirilib.

Oğuz rayon Mərkəzi Kitabxanası və Şəki-Zaqatala Regional Gənclər və İdman İdarəsi Oğuz rayon Gənclər və idman sektoru tərəfindən keçirilən görüşdə yeniyetmə və gənclər İ.Qafarovun əl işlərinə baxıb, həmin əşyaların hazırlanması texnologiyası ilə tanış olublar.

Sənətkar əl işlərinin hazırlanma prosesi ilə iştirakçıları məlumatlandırıb, onların suallarını ətraflı cavablandırıb.

Nurəddin