Prezident seçkilərindən sonra Konstitusiyanın tələbinə (maddə 116. “Yeni seçilmiş Azərbaycan Respublikasının Prezidenti vəzifəsini tutduğu və səlahiyyətlərini icra etməyə başladığı gün Azərbaycan Respublikasının Nazirlər Kabineti Azərbaycan Respublikası Prezidentinə istefa verir”) əsasən fevralın 14-də istefa vermiş Nazirlər Kabinetinin yeni tərkibi təsdiqlənib.

Prezident İlham Əliyev fevralın 16-da bununla bağlı sərəncamlar imzalayıb.

Dövlət başçısının sərəncamı ilə Əli Hidayət oğlu Əsədov Azərbaycan Respublikasının Baş naziri təyin edilib.

Bundan öncə Milli Məclisdə “Əli Hidayət oğlu Əsədovun Azərbaycan Respublikasının Baş naziri vəzifəsinə təyin edilməsinə razılıq verilməsi haqqında” məsələyə baxılmış, parlament bu təyinata razılıq vermişdi.

Qeyd edək ki, Əli Əsədov 2019-cu ildən Azərbaycan Respublikasının Baş naziridir.

***

Dövlət başçısının sərəncamı ilə fevralın 16-da Nazirlər Kabinetinin aşağıdakı üzvləri təyin ediliblər:

Baş nazirin birinci müavini – Yaqub Abdulla oğlu Eyyubov;

Baş nazirin müavini – Əli Cavad oğlu Əhmədov;

Baş nazirin müavini – Şahin Abdulla oğlu Mustafayev;

Daxili işlər naziri – Vilayət Süleyman oğlu Eyvazov;

Ekologiya və təbii sərvətlər naziri – Muxtar Bahadur oğlu Babayev;

Elm və təhsil naziri – Emin Eldar oğlu Əmrullayev;

Energetika naziri – Pərviz Oqtay oğlu Şahbazov;

Əmək və əhalinin sosial müdafiəsi naziri – Sahil Rafiq oğlu Babayev;

Fövqəladə hallar naziri – Kəmaləddin Fəttah oğlu Heydərov;

Gənclər və idman naziri – Fərid Fazil oğlu Qayıbov;

Xarici işlər naziri – Ceyhun Əziz oğlu Bayramov;

İqtisadiyyat naziri – Mikayıl Çingiz oğlu Cabbarov;

Kənd təsərrüfatı naziri – Məcnun Qadir oğlu Məmmədov;

Maliyyə naziri – Samir Rauf oğlu Şərifov;

Mədəniyyət naziri – Adil Qabil oğlu Kərimli;

Müdafiə naziri – Zakir Əsgər oğlu Həsənov;

Müdafiə sənayesi naziri – Vüqar Valeh oğlu Mustafayev;

Rəqəmsal inkişaf və nəqliyyat naziri – Rəşad Nəbi oğlu Nəbiyev;

Səhiyyə naziri – Teymur Yusif oğlu Musayev;

Ailə, Qadın və Uşaq Problemləri üzrə Dövlət Komitəsinin sədri – Bahar Əvəz qızı Muradova;

Diasporla İş üzrə Dövlət Komitəsinin sədri – Fuad Rauf oğlu Muradov;

Dövlət Gömrük Komitəsinin sədri – Şahin Soltan oğlu Bağırov;

Dövlət Sərhəd Xidmətinin rəisi – Elçin İsağa oğlu Quliyev;

Dövlət Statistika Komitəsinin sədri – Tahir Yaqub oğlu Budaqov;

Dövlət Şəhərsalma və Arxitektura Komitəsinin sədri – Anar Adil oğlu Quliyev;

Qaçqınların və Məcburi Köçkünlərin İşləri üzrə Dövlət Komitəsinin sədri – Rövşən Şükür oğlu Rzayev;

Dövlət Miqrasiya Xidmətinin rəisi – Vüsal Əfqan oğlu Hüseynov;

Dövlət Təhlükəsizliyi Xidmətinin rəisi – Əli Nağı oğlu Nağıyev;

Xarici Kəşfiyyat Xidmətinin rəisi – Orxan Sedyar oğlu Sultanov;

Səfərbərlik və Hərbi Xidmətə Çağırış üzrə Dövlət Xidmətinin rəisi – Mürsəl Qorxmaz oğlu İbrahimov;

Dövlət Su Ehtiyatları Agentliyinin sədri – Zaur Rauf oğlu Mikayılov;

Dövlət Turizm Agentliyinin sədri – Fuad Hümbət oğlu Nağıyev;

Qida Təhlükəsizliyi Agentliyinin sədri – Qoşqar İlahi oğlu Təhməzli;

Milli Arxiv İdarəsinin rəisi – Əsgər Adil oğlu Rəsulov.

***

Qeyd edək ki, Nazirlər Kabinetinin yeni tərkibində əvvəlki tərkibdən iki nəfər – ədliyyə naziri Fikrət Məmmədov və Dini Qurumlarla İş üzrə Dövlət Komitəsinin sədri Mübariz Qurbanlı yer almayıb.

Prezidentin müvafiq sərəncamları ilə ədliyyə naziri təyin olunanadək həmin vəzifənin müvəqqəti icrası nazir müavini Azər Cəfərova, Dini Qurumlarla İş üzrə Dövlət Komitəsinin sədri təyin olunanadək həmin vəzifənin müvəqqəti icrası isə komitə sədrinin birinci müavini Səyyad Salahlıya həvalə edilib.