Sentyabrın 29-da Fikrət Əmirov adına Gəncə Dövlət Filarmoniyasında görkəmli bəstəkar, Xalq artisti Səid Rüstəmovun əsərlərindən ibarət konsert proqramı keçiriləcək.

Filarmoniyadan bildirilib ki, konsertdə Xalq artisti Sevinc İbrahimova, Əməkdar mədəniyyət işçisi Mehparə Cəfərova, Əməkdar artistlər Kəmalə Tağızadə, Tural Abdullayev, solistlər Vasif Bayramov, Rüstəm Cəfərov çıxış edəcək.

Gecədə bəstəkarın unudulmaz bəstələrindən “Oxu, tar!”, “Bahar olsun”, “Alagöz”, “Qurban adına”, “Hardasan?”, “İntizar”, “Gəlmədin”, “Şeir deyilmi?”, “Bilmədin”, “Səhər nəğməsi”, “Sənindir”, “Getmə-getmə”, “Azərbaycan” nəğmələri ifa olunacaq.