Sabirabad rayon Mərkəzi Kitabxanasında Sabirabad kitab klubunun hesabat tədbiri keçirilib.

Sabirabad rayon MKS-nin direktoru Eldar Urufov çıxış edərək iştirakçılara kitab klubu barəsində məlumat verib. Kitab klubu idarə heyətinin üzvləri ötən müddətdə həyata keçirilmiş tədbirlər barədə danışıblar. Hər ay keçirilən müzakirə görüşləri, “Erudikon” intellektual oyunu, hekayə müsabiqəsi kimi tədbirlərdən bəhs olunub.

Sonra klubun növbəti il üçün planlarından söz açılıb, idarə heyətinin yeni tərkibi tədbir iştirakçılarına təqdim edilib.

Mil-Muğan RMİ-nin rəisi Faiq Xudanlı klubun fəaliyyətinin inkişaf etdirilməsi ilə bağlı təkliflərini bildirib. Tədbir fikir mübadiləsi ilə davam edib.