Lerik rayon Mərkəzi Kitabxanasında Əməkdar incəsənət xadimi, müasir Azərbaycan ədəbiyyatının görkəmli nümayəndəsi, şair və dramaturq, nasir və publisist, ictimai xadim Hidayət Orucovun 80 illik yubileyi ilə əlaqədar tədbir keçirilib. Çıxışlarda Hidayət Orucovun zəngi yaradıcılığı haqqında söz açılıb.

***

Masallı rayon Mərkəzi Kitabxanasının təşkilatçılığı ilə şəhər sakinlərinə səyyar kitabxana xidməti göstərilib. Xidmət zamanı kitabxananın əməkdaşı şəhərin Heydər Əliyev prospektində yerləşən çoxmənzilli yaşayış binalarının sakinlərinə kitabxana fondu və abunə yazılmaq qaydaları haqqında məlumat verib.

***

Astara rayon Mərkəzi Kitabxanasının uşaq şöbəsində “Smayliklərin ad günü” mövzusunda tədbir keçirilib. Bildirilib ki, 9 sentyabr 1982-ci ildə ABŞ-nin Karnegi Mellon Universitetinin professoru Skott Falman öz həmkarlarına elektron məlumat göndərir və gülümsər üzə bənzəyən simvoldan istifadə edir. Sonradan həmin tarixi “Smayliklər günü” kimi qeyd etməyə başlayıblar.

Tədbirdə kitabxana əməkdaşları və fəal oxucuların tullantı əşyalardan hazırladıqları müxtəlif smayliklərə baxış olub.

Hazırladı: N.Məmmədli