Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun XX əsr (sovet dövrü) Azərbaycan ədəbiyyatı şöbəsinin elmi işçisi Ədalət Rəsulovanın tərtibatında “Süleyman Rəhimov. Oxucu məktubları” kitabı nəşr olunub.

İnstitutdan bildirilib ki, nəşrin ideya müəllifi filologiya elmləri doktoru, professor Şirindil Alışanlı olub. Kitabın müəllifi və nəşrə hazırlayan Ədalət Rəsulova “Zamanın hüdudlarını aşan sənətkar” başlıqlı “Ön söz” də yazıb.

Arxiv materialları əsasında hazırlanan kitab yazıçı, ədəbiyyatşünas və publisist Süleyman Rəhimovun xatirəsinə həsr olunub. Kitabda oxucu məktublarının, eləcə də mükafat və teleqramların surətləri, yazıçıya aid fotolar toplanılıb.