Dekabrın 3-də Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayında “Mədəniyyət incisi” layihəsi çərçivəsində estrada müğənnisi Xatun Əliyeva ilə görüş keçirilib.

Görüşdə ictimaiyyət nümayəndələri, Xəzər rayonundakı təhsil və mədəniyyət müəssisələrinin əməkdaşları, musiqisevərlər və digər qonaqlar iştirak ediblər.

Tədbirin aparıcısı müğənninin həyat və fəaliyyəti haqqında məlumat verib, yaradıcılıq uğurlarından söhbət açıb.

Sonra Xatun Əliyeva “Səma” rəqs kollektivinin müşayiəti ilə repertuarından sevilən mahnıları ifa edib.

Müğənni sonda tamaşaçıların suallarını cavablandırıb.