Xəbər verdiyimiz kimi, 1-5 dekabr tarixlərində Şəkidə IV Beynəlxalq Teatr Festivalı keçirilib. Festivalda Azərbaycan, Qazaxıstan, Özbəkistan və İrandan teatr kollektivləri iştirak ediblər.

Festival çərçivəsində Qazaxıstandan gələn teatr xadimləri Şəki-Zaqatala Regional Mədəniyyət İdarəsinin tabeliyində fəaliyyət göstərən Bəxtiyar Vahabzadənin Ev-Muzeyində olublar.

Ziyarətdə Şəki-Zaqatala RMİ-nin rəhbərliyi və Şəki Şəhər İcra Hakimiyyətinin nümayəndələri də iştirak ediblər.

Muzeyin direktoru Elşən Zəkəryəbəyli qonaqlara Xalq şairi, dramaturq, ədəbiyyatşünas, ictimai xadim, akademik Bəxtiyar Vahabzadənin (1925–2009) həyat və yaradıcılığı barədə geniş məlumat verib. Qonaqlar muzeydən zəngin təəssüratla ayrılıblar.