Dekabrın 13-də Azərbaycan Rəssamlar İttifaqında gənc rəssamların “Tablolarda nağıllar” adlı yaradıcılıq sərgi-müsabiqəsinin bağlanış mərasimi keçiriləcək.

Mədəniyyət üzrə Elmi-Metodiki və İxtisasartırma Mərkəzinin təşkilatçılığı, Azərbaycan Dövlət Rəsm Qalereyası və Azərbaycan Rəssamlar İttifaqının dəstəyi ilə reallaşan sərgi-müsabiqə milli təsviri sənətimizin görkəmli nümayəndəsi, Xalq rəssamı, Dövlət mükafatı laureatı Səttar Bəhlulzadənin (1909 –1974) 115 illiyinə həsr olunub.