Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun Elmi şurasının qərarı ilə Multidisiplinar əlyazmaların tədqiqi şöbəsinin müdiri Elnurə Babayevanın tərtibçisi olduğu “Paşa Kərimov - 65” kitabı işıq üzü görüb.

İnstitutdan bildirilib ki, kitab görkəmli filoloq, mətnşünas alim, ədəbiyyat tarixinin tədqiqatçısı, filologiya elmləri doktoru, dosent Paşa Kərimovun xatirəsinə həsr olunub. Kitabda alimin keçdiyi əmək və həyat yolu, onunla işləyən müasirlərinin xatirələri, elmə verdiyi töhfələr və biblioqrafiyası yer alıb.

Yeni nəşrin elmi redaktoru akademik Teymur Kərimli, naşiri Çingiz Aslanovdur.