- 31-01-2014
- 2750
Məhəmməd Əmin Rəsulzadənin anadan olmasından 130 il ötür31 yanvar Azərbaycan Xalq Cümhuriyyətinin qurucularından biri, 1918-ci ildə istiqlalımızı elan etmiş Azərbaycan Milli Şurasının sədri Məhəmməd Əmin Rəsulzadənin doğum günüdür.
Məhəmməd Əmin Rəsulzadənin Ankaranın Əsri qəbiristanlığındakı məzarı üzərində Azərbaycanın bayrağı dalğalanır. Bu bayrağı 1918-ci ildə Rəsulzadə və silahdaşları Vətən göylərinə ucaltdılar.
Cümhuriyyətimiz süqut edəndə o, Vətən gənclərinə müraciətində demişdi: “Ey gənclik! Sənin öhdəndə böyük bir vəzifə var! Səndən əvvəlki nəsil yoxdan bir bayraq, müqəddəs bir ideal rəmzi yaratdı. Və onu min müşkülatla yüksəldərək dedi ki, bir kərə yüksələn bayraq bir daha enməz! Əlbəttə, sən onun bu ümidini qırmayacaq, bu gün parlament üzərindən Azərbaycan türklərinin ürəklərinə enmiş bu bayrağı bir daha o bina üzərinə dikəcək, bu yolda ya qazi, ya şəhid olacaqsan!”. Bu gün o gündür. Dövlətimiz üçrəngli bayrağımızın altında əmin addımlarla yoluna davam edir.
