“Eurovision-2011” müsabiqəsinin qalibləri Eldar Qasımov və Nigar Camal “Slavyan bazarı-2011” beynəlxalq musiqi festivalına xüsusi qonaq kimi dəvət alıblar. Festival gələn ay Belarusun Vitebsk şəhərində keçiriləcək. Eldar və Nigar iyulun 8-də keçiriləcək festivalın açılış mərasimində iştirak edəcək. Onlar açılış mərasimində Avropada hitə çevrilən “Running Scared” mahnısını oxuyacaqlar.
   Festivalda Azərbaycanı Aynişan Quliyeva təmsil edəcək. O, 19 ölkə iştirakçısı ilə mübarizə aparacaq. İyulun 14-də "Slavyan bazarı"nın qala-konsertində müsabiqə qalibinin adı bəlli olacaq.