- 10-08-2011
- 1101
Azərbaycan Dövlət Akademik Opera və Balet Teatrının simfonik orkestri Avropanın mötəbər musiqi festivallarından olan Münxen Opera Sənəti festivalında iştirak edib. Avqustun 4-dən 9-dək Almaniyada olan orkestr festivalın qala-konsertində çıxış edib. Musiqi kollektivinin ifasında Avropa bəstəkarlarının əsərləri ilə yanaşı, Azərbaycan bəstəkarlarının - Üzeyir Hacıbəyli, Qara Qarayev, Fikrət Əmirov və başqalarının əsərləri təqdim olunub.
Qeyd edək ki, Dövlət Akademik Opera və Balet Teatrının simfonik orkestri 2007, 2008 və 2010-cu illərdə də Münxen Opera Sənəti festivalında iştirak edib.
Kollektivin çıxışları həm festivalın təşkilatçıları, həm də musiqi tənqidçiləri və sənətsevərlər tərəfindən yüksək qiymətləndirilib.
