Noyabrın 29-da Üzeyir Hacıbəyli adına Bakı Musiqi Akademiyasında “Clarinetissimo II” adlı konsert keçiriləcək. Tədbirdə Müdafiə Nazirliyinin Əlahiddə Nümunəvi Hərbi Orkestrinin solisti Anar Məmmədov (klarnet) və Vəli Budaqovun (klarnet) birgə ifasında əsərlər səslənəcək. Konsertin proqramına Ü.Hacıbəyli, Bermann, Mendelson və digər bəstəkarların əsərləri daxil edilib. Konsert Bakı Musiqi Akademiyasının 90 illiyinə həsr olunur. Konsertə giriş sərbəstdir.