Azərbaycan Yazıçılar Birliyi Bədii Tərcümə və Ədəbi Əlaqələr Mərkəzinin nəşri olan “Dünya ədəbiyyatı” jurnalının bugünlərdə yeni nömrəsi işıq üzü görüb.
Jurnalın 2016-cı ildə ilk nömrəsi bütövlükdə yeni dövr İran ədəbiyyatına həsr edilib.
Nəşrdə XX əsrin 40-cı illərindən bu yana 30-a yaxın müəllifin yaradıcılığını əhatə edən ədəbi nümunələr - roman, pyes, poema, hekayələr, şeirlər yer alıb. Bütün materiallar orijinaldan - fars dilindən tərcümə edilib.
Mustafa Məsturun “Tanrının ay üzündən öp...” romanı Ariz Tarverdiyevin, Şəhram Kərəminin “Yunus peyğəmbər” pyesi Dilman Şahmərdanlının tərcüməsində verilib.