Şair-publisist Mina Rəşidin “Baxmaqla görmək ayrıdı!” adlı kitabı “Avropa” nəşriyyatında çap edilib. Müəllifin sayca ikinci kitabına şeirləri və publisistik yazılar, o cümlədən Qarabağ mövzusunda əsərləri daxil edilib. Kitabın ön sözünün müəllifi Südabə Ağabalayeva, redaktorları Sevinc Nuruqızı və Hicran Hüseynovadır. Yazıçılar Birliyində kitabın təqdimatı keçirilib.
M.Rəşid 1972-ci ildə Ağdam rayonunun Qiyaslı kəndində doğulub. Doğma kəndi 1993-cü ildən işğal altındadır. Atası Məmmədov Rəşid 1992-ci ildə şəhid olub. 90-cı illərdən mətbuatda çalışır. Yazıçılar Birliyinin üzvüdür.