Sentyabrın 5-də Rəşid Behbudov adına Dövlət Mahnı Teatrının simfonik-estrada orkestrinin bədii rəhbəri, Əməkdar artist Salman Qəmbərov Almaniya və Niderlandın şəhərlərində keçiriləcək “Bütün Şərq ölkələrindən ulduzlar” adlı konsert proqramında iştirak edəcək.
Salman Qəmbərov bildirib ki, Osnabryuq və Amsterdam şəhərlərində baş tutacaq konsertlərdə dünya bəstəkarlarının əsərləri və ayrı-ayrı klassik caz musiqisi nümunələri əsasında improvizələr səsləndiriləcək.
Konsert proqramında duet ifalar da təqdim olunacaq. Fransalı məşhur tuba ifaçısı Mişel Qodar həmyerlimizlə eyni səhnəni bölüşəcək.