Avqustun 13-də tanınmış aşıq, aktrisa, Azərbaycan Dövlət Mədəniyyət və İncəsənət Universitetinin müəllimi, sənətşünaslıq üzrə fəlsəfə doktoru, Əməkdar mədəniyyət işçisi Samirə Əliyeva (Aşıq Samirə) Tovuz rayonundakı “N” saylı hərbi hissədə zabit və əsgərlər qarşısında konsert proqramı ilə çıxış edib. Konsertdə Vətənə, xalqa, qəhrəmanlığa həsr olunmuş aşıq mahnıları zabit və əsgərlərə xoş anlar yaşadıb.
Bundan əlavə, Aşıq Samirə Tovuz rayonunun işğalçı Ermənistan ilə sərhəddə yerləşən Ağbulaq kəndində sakinlərlə görüşüb və öz şəxsi vəsaiti hesabına 50 ailəyə ərzaq yardımı edib.