Azərbaycan ədəbiyyatının görkəmli nümayəndəsi, Xalq şairi, 2008-2016-cı illərdə Aşıqlar Birliyinin sədri Zəlimxan Yaqubun aşıq sənətinin inkişafında və gənclərdə bu sənətə marağın gücləndirilməsində böyük xidmətləri olub. 3 mart tarixində Heydər Əliyev Sarayında keçiriləcək söz-sənət axşamı şairin xatirəsinə həsr olunub. Gecədə məşhur incəsənət ustaları, şairlər, aşıqlar, alimlər, ictimai xadimlər, habelə Türkiyə və İranın tanınmış aşıqları iştirak edəcəklər.