Milli Elmlər Akademiyasının Arxeologiya və Etnoqrafiya İnstitutu Goranboyda qazıntılar zamanı aşkar edilmiş tarixi yerlərdə tədqiqat işləri aparacaq. Goranboy Rayon Mədəniyyət və Turizm Şöbəsindən bildiriblər ki, yaxın günlərdə başlanacaq tədqiqat işləri Şadılı və Səfikürd ərazilərində həyata keçiriləcək.
   Qeyd edək ki, aparılan arxeoloji qazıntılar zamanı Səfikürd ərazisində 4 min 500 il tarixi olan yaşayış məskəni, həmçinin İlk Tunc dövrünə aid 10-dan artıq insanın dəfn olunduğu kurqan aşkar edilib, bu da alimlərin bölgəni daha dərindən öyrənməsinə əsas verir.