Azərbaycan Respublikası Silahlı Qüvvələr Günü ilə bağlı "N" saylı hərbi hissədə Lənkəran Şəhər İcra Hakimiyyəti və şəhər Mədəniyyət və Turizm Şöbəsinin təşkilatçılığı ilə bayram konserti keçirilib. Tədbirdə əvvəlcə bu əlamətdar gün və Azərbaycan Silahlı Qüvvələrinin tarixi haqqında məlumat verilib.
Sonra yerli sənət ustalarının, Girdəni folklor evinin rəqs kollektivi, Parakənd, Aşağı Nüvədi klub müəssisələrinin kollektivlərinin ifasında maraqlı konsert proqramı təqdim olunub. Sonda hərbi hissənin komandanlığı çıxış edərək bayram tədbirinin təşkilatçılarına öz minnətdarlığını bildirib.