Görkəmli Azərbaycan şairi və mütəfəkkiri Mirzə Şəfi Vazehin 220 illik yubileyi ilə bağlı Gəncədə inşa edilən muzeydə son tamamlama işləri görülür. Gəncə Şəhər Mədəniyyət və Turizm İdarəsinin rəisi Sənan Hacıyev deyib ki, keçən il inşasına başlanan və bu ilin ikinci rübündə istifadəyə verilməsi nəzərdə tutulan muzeyin tikintisi hazırda sürətlə davam etdirilir.
Muzeyin qarşısında şairin abidəsi qoyulduqdan sonra ətrafında geniş istirahət parkının salınması işlərinə başlanılıb. Bundan başqa, istirahət parkında şairin təşkil etdiyi “Divani-hikmət” ədəbi məclisini əks etdirən mozaika daşları ilə işlənmiş dekorativ kompozisiya da qoyulacaq.