Aprelin 16-da Qazax Rayon Mədəniyyət və Turizm Şöbəsi, Gənclər və İdman İdarəsi və Mərkəzi kitabxananın iştirakı ilə Mədəniyyət mərkəzində “Tarixi abidələrdə yaşayan tariximiz” adlı kitabın təqdimatı keçirilib. Gənclər və İdman İdarəsinin məsləhətçisi İsmayıl Süleymanov, rayon İcra Hakimiyyətinin nümayəndəsi Azad Hümbətov, Mədəniyyət və Turizm Şöbəsinin məsləhətçisi Pəri Məmmədova, MKS-nin metodika və biblioqrafiya şöbəsinin müdiri Fatma Hüseynova və digər çıxış edənlər nəşrin əhəmiyyətindən söz açılıb. Kitabda Qazax rayonu haqqında ümumi məlumat, “Qazax” toponimi, rayonun tarixi-memarlıq abidələri haqqında ətraflı məlumatlar yer alıb.
“Tarixi abidələrdə yaşayan tariximiz” kitabından 18 nüsxə Mərkəzi kitabxanaya hədiyyə edib.