Qəbələ Rayon Tarix-Diyarşünaslıq Muzeyi zəngin eksponatları ilə həmişə ziyarətçilərin marağını cəlb edib. İl ərzində minlərlə insan ölkəmizin qədim tarixinin, mədəni irsinin sorağı ilə bu məkana üz tutur. Muzeyə gələnlərin arasında əcnəbi turistlər də çox olur.
Eyni zamanda məktəblilər ədəbiyyat və tarix dərslərini keçmək üçün vaxtaşırı muzeydə ekskursiyada olurlar. Tanınmış yazıçı və hərbi xadim İsmayıl bəy Qutqaşınlının (1806-1861) həyat və fəaliyyətini öyrənən şagirdlər tarixi materiallarla, sənədlərlə tanış olmaq üçün muzeyə tez-tez müraciət edirlər.