Oğuz rayon Mərkəzi kitabxanasının uşaq şöbəsində “Nağıl otağı” təşkil edilib. Balacalar Azərbaycan və dünya xalqlarının nağıllarının audio disklərinə istədikləri vaxt qulaq asa biləcəklər. Şöbənin işçiləri tərəfindən kiçikyaşlı oxucular üçün “Şəngülüm, Şüngülüm, Məngülüm” nağılının maketi hazırlanıb, “Qoğal” nağılının şirması və digər nağıl qəhrəmanlarının şəkilləri divar boyu asılıb. Həmçinin nağıl-tamaşalar hazırlamaq üçün xüsusi səhnə quraşdırılıb, daha azyaşlılar nəzərə alınaraq nağıl qəhrəmanlarının fiqurları və kuklalar yerləşdirilib.