İyulun 28-də Gəncədə “Fiziki məhdud istedadlı insanların cəmiyyətə inteqrasiyasına dəstək” layihəsi çərçivəsində sərgi açılıb.
Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının, Gəncə Şəhər İcra Hakimiyyətinin birgə dəstəyi və “İstedadlı əlillər” İctimai Birliyinin təşkilatçılığı ilə keçirilən sərgidə istedadı əlillərin rəsm, kargüzarlıq, toxuma, taxta üzərində oyma, həmçinin milli simvolları, atributları və emblemləri əks etdirən 80-dən artıq əl işi nümayiş etdirilib.
Tamaşaçılar Nizami Gəncəvi, Cavad xan, Mirzə Şəfi Vazeh və Milli Qəhrəman Mübariz İbrahimovun toxunma portretlərinə də maraqla baxıblar.