Prezident İlham Əliyev mayın 16-da Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin əməkdaşlarının təltif olunması haqqında sərəncamlar imzalayıb. Sərəncamlara əsasən, idarənin altı əməkdaşına “Əməkdar mədəniyyət işçisi” fəxri adı verilib. Həmçinin iki əməkdaş “Dövlət qulluğunda fərqlənməyə görə” medalına, üç nəfər isə “Tərəqqi” medalına layiq görülüb.