“Doğma Vətənimiz Azərbaycanı tanıyaq” adlı tur-ekskursiya çərçivəsində respublikamızın şimal-qərb bölgəsinə səfər edən Bakı şəhərindəki 11 nömrəli inteqrasiya təlimli internat məktəbində təhsil alan, kimsəsiz, dövlət himayəsində olan şagirdləri və onların müəllimlərindən ibarət 40 nəfərlik qrup sentyabrın 1-də Zaqatala rayonuna gəlib.
Tur-ekskursiya iştirakçıları sentyabrın 2-də Zaqatala rayonunun tarixi məkanlarına baş çəkib, şəhəri gəzib, Heydər Əliyev Mərkəzi, Tarix-Diyarşünaslıq Muzeyi, Dədə Qorqud meydanı, Zaqatala qalası, mədəniyyət və istirahət parkı ilə tanış olub, parkda təşkil edilən konsert proqramını izləyiblər.