Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları tərəfindən sentyabrın 4-də Şəkidə baş verən zəlzələ ilə bağlı monitorinqlər aparılıb.
Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov bildirib ki, zəlzələ zamanı tarix və mədəniyyət abidələrinə, qoruqlara ciddi ziyan dəyməyib. Qeyd edilib ki, buna qədər qurum tərəfindən Şəkidə yerləşən tarix və mədəniyyət abidələrində təmir-bərpa işləri aparılıb, bundan sonra da davam etdiriləcək.