Xalqımızın mənəvi sərvətlərinin qorunduğu məkanlardan olan Qəbələ Tarix-Diyarşünaslıq Muzeyi fəaliyyətini genişləndirməkdədir. Muzeyin zəngin ekspozisiyası ziyarətçilər tərəfindən maraqla izlənilir. Qonaqlara burada nümayiş olunan nümunələr haqqında dolğun məlumat verilir.
Tarixi və əlamətdar günlərlə bağlı muzeydə mütəmadi tədbirlər keçirilir. Növbəti belə tədbir 18 oktyabr - Müstəqillik Gününə həsr olunub. Bu münasibətlə sərgi təşkil edilib. Muzeyin direktoru Xalis Məmmədov bu günün tarixi haqqında danışıb, xalqımızın istiqlal uğrunda mübarizə yoluna nəzər salıb.