Qusar rayon Mədəniyyət mərkəzi və Qusar Dövlət Ləzgi Dram Teatrının təşkilatçılığı ilə 20-26 iyun tarixində “Vətənpərvərlik həftəsi” layihəsi həyata keçirilir. Həftə çərçivəsində müxtəlif tədbirlər nəzərdə tutulub.
Həftənin açılışı vətənpərvərlik mahnılarının kollektiv ifası - fleşmob ilə başlayıb.
24 iyun tarixində rayonda yerləşən hərbi hissədə Hüseynbala Mirələmovun “Xəcalət” əsərinin tamaşası nümayiş etdiriləcək.
İyunun 25-də isə Silahlı Qüvvələr Günü münasibətilə şəhərin mərkəzi meydanında konsert və hərbi-vətənpərvərlik mövzusunda ədəbi-bədii kompozisiya və hərbçilərin nümunəvi çıxışları olacaq.